Ljósið læðist inn - Skáldlegt stefnumót við Edmonton á Vetrarhátíð í Reykjavík

Reykjavík Bókmenntaborg UNESCO stendur fyrir ljóðakvöldi á opnunarkvöldi Vetrarhátíðar, fimmtudaginn 5. febrúar, með borgarskáldi Edmonton, Mary Pinkoski, og reykvísku skáldunum Antoni Helga Jónssyni og Elíasi Knörr. Tónlistarkonan dj flugvél og geimskip skemmtir einnig gestum. Ljóðakvöldið verður í Tjarnarsal Ráðhúss Reykjavíkur og hefst dagskráin kl. 20:30. Hún mun standa í um klukkutíma.

Edmonton er gestaborg Reykjavíkur á Vetrarhátíð í ár. Af því tilefni hefur Bókmenntaborgin stefnt saman þessum þremur skáldum. Öll leggja þau áherslu á munnlegan flutning ljóðlistarinnar, Mary Pinkoski skilgreinir sig sem „spoken word poet“, Elías á það til að syngja sinn skáldskap og Anton Helgi er þekktur fyrir lifandi og persónulegan flutning. Stefnumót þeirra í aðraganda viðburðarins fer fram bæði í net- og raunheimum og hafa þau sett saman dagskrá sem þau tileinka ljósinu í vetrarmyrkrinu. Svo skemmtilega vill til að 2015 er ár ljóssins hjá UNESCO.

Auk skáldanna kemur tónlistarkonan dj. flugvél og geimskip fram á ljóðakvöldinu. Hún flytur hressilega elektróníska tónlist með „geimívafi“. Markmið hennar er að upplifun áheyrenda minni á drauma eða ferðalag um geiminn.

Allir velkomnir.

Nánar upplýsingar

Viðburður á Facebook

Þú ert að nota: brimir.rhi.hi.is